*Mokabat sa 1.2 million pesos ang damyos sa pagkasunog sa Natures Bread bakery diha sa Phase 1- Santa Cecelia, Barangay Gusa ning syudad. *
*Apil sa nasunog ang tulo ka sakyanan ug balay nga giabangan sa usa ka Benvinido Macaraig Jr, kinsa tag-iya usab sa maong bakery. *
*Matud ni SFO1 Dennis Dales, sa Bureau of Fire Protection kon BFP, nga apil sa nasunog ang 66 anyos nga si Nely Zapanta, kinsa myembro sa pamilya human nga wala kini makagawas atol sa sunog. *
*Nasayran nga atol sa pagpakighinabi ni SFO1 Dales sa anak sa tag-iya nga si Nathaniel Macaraig, gibutyag niini nga alas otso sa gabei niadtong adlawng sabado, nagkirap-kirap matud pa ang suga sa kwarto sa iyang inahan hinungdan nga ila kining gipatan-aw. *
*Apan pagkakadlawon, nakita na lang niini ang kalayo nga anaa na sa kisame sa kwarto , busa dali niya nga gidala pagawas ang iyang inahan. *
*Sa pagkakaron padayon pa nga gisuta sa BFP kung unsa gyud ang hinungdan sa sunog. *
*by: Aiza Michelle Mesias Enluran*
