1.6 million pesos, damyos sa sunog sa duha ka barangay sa Cagayan de Oro

Gibana-banang mokabat sa 1.6 million pesos ang damyos sa sunog nga nahitabo sa Barangay 22 ug 26 ning syudad sa Cagayan de Oro kagahapon sa hapon.
Kini ang gibutyag ni SFO1 Emilda Barasan, imbestigador sa Bureau of Fire Protection o BFP sa interview sa dxCC-RMN.
Nasayran nga mokabat usab sa kapin 50 ka balay ang nasunog ug kapin 300 ka indibidwal ang apektado.
Matud ni Barasan nga naglisod sila sa pagresponde tungod sa kagamay sa dalan.
Hinoon, walay gikareport nga samaran o namatay sa insedente ug gisuta pa sa BFP ang hinungdan sa sunog.
-o0o-
Mga kasama, unsa bay solusyon aron dili maglisod sa pagresponde ang BFP sa mga barangay sa Cagayan de Oro?
By: RadyoMaN Annaliza Amontos-Reyes
PC: RadyoMaN Anne Jane Duhaylungsod