Ginsalakay sang gintingob nga pwersa sang RID12, CIDU-South Cotabato, SCPIU, 2nd SCPMFC kag T’boli MPS ang lugar sa diin ginpatigayon ang bulang sa Purok Centro, Barangay Desawo, T’boli, South Cotabato, alas 12:47 sang hapon kahapon nga adlaw, Hunyo 7, 2021.
Apang sang namutikan sang mga nagataya ang presensya sang mga otoridad nagdalagan ang mga ini sa mga nagkalain-lain nga direksyon.
Samtang, base sa imbestigasyon sang kapolisan mismo si Barangay Captain Joen Fagalas sang Brgy. Desawo, Tboli, South Cotabato ang organizer sang nasambit nga ilegal nga bulang.
Tigayon naman nga nakapalagyo ang kapitan, apang ang live-in partner sini nga si Jane Villanueva ang naaresto sang operating team.
Narekober naman sa lugar ang 14 live Fighting Cocks, 11 ka patay nga Fighting Cocks, 11 ka Square Pinch, 7 ka Folding Cage, 5 ka Gaffer Cup, 4 ka Gaffer Tape, 4 ka Nylon (Tali), kag 7 ka Wood Stopper.
