Backrider sang motorsiklo, patay sa disgrasya sa dalanon sa banwa sang Tantangan.

17

Ginbawian sang kabuhi ang asawa sang driver sang motorsiklo sa nagluntad nga disgrasya sa dalanon sa Purok Bagong Silang, Brgy. New Iloilo, Tantangan, South Cotabato, alas 5:00 sang hapon, kahapon nga adlaw, June 7, 2021.
Sa imbestigasyon sang Tantangan MPS imbolbado sa insidente ang 1 ka unit sang Kawasaki Bajaj bilang V1 , ginamaneho ni Juanito D. Francisco Jr. 49 years old kag residente sang Brgy. Poblacion, Lambayong, Sultan Kudarat upod ang asawa sini nga si Ofelia Francisco nga ginbawian sang kabuhi, 48 –anyos kag 1 ka unit sang Top down Kawasaki Bajaj bilang V2, ginamaneho ni Jennyfer D. Padilla, 49 years old, residente sang Brgy. Libas, Tantangan South Cotabato.
Sa dugang nga imbestigasyon sang Tantangan MPS, ang duha ka mga salakyan ang halin sa Koronadal City padulong sa Tacurong City kag pag-abot sa nasambit nga lugar ang topdown ang gulpi nga nagliko rason nga aksidente nga nabungguan sang motorsiklo ang wala nga bahin sang V2.
Resulta ang drivers sang duha ka mga salakyan kag ang backrider sang V1 ang nakaangkon sang physical injuries nga gilayon nga gindala sa ospital, apang ang backrider sang motorsiklo ang gindeklarar nga dead on arrival sang attending Physician.

Facebook Comments