1 muerto, 1 irido na tiro

Un 45-anio de edad persona ya sale muerto mientras su companiero irido na incidente de tiro na Sto. Niño Village, Putik del Domingo por la noche.
Conel muerto ya conose como si Yadzkor Johan, y el irido amo si Ridzkhan Akbara, ambos del mencionao lugar.
Asegun na report, pasada alas 9 del noche cuando el dos man companiero ta man cuento na parte adentro del Sto. Niño cuando tiene ya lang un persona armao de calibre 45 pistola ya aparese y ya rega de bala canila.
Si Johan ya sostene fatal tupada de bala na su cuerpo y amo ya causa su muerte mientras si Akbara irido y ya lleva conele na hospital.
Nohay pa conclusion el pulis si cosa gayot el motibo del incidente y quien el hechor.