Dead on arrival sa ospital ang isa ka miyembro sang CVO, samtang 17 naman ang pilason sa nagluntad nga pagsigabong sang duha ka mga granada, pasado alas 11:05 kagab-i sa atubangan sang Villa Garde Videoke House sa National Highway Brgy. Buenaflor, Tacurong City, Sultan Kudarat.
Ginkilala ni Sultan Kudarat Police Provincial Director Sr. Supt. Raul Supiter ang CVO nga nabawian sang kabuhi kay Dominador Datahan nga nadestino sa nasambit nga lugar, residente sang New Isabela Tacurong City.
Base sa ila imbestigasyon suno kay Police Sr. Supt. Supiter nagsigabong ang isa ka granada sa sulod sang isa ka tricycle kag ang isa ang nagsigabong sa unhan lang man nga bahin sang isa pa ka salakyan.
Samtang may-yara man suno pa sang naigo nga sakay sang nasambit nga tricycle sa diin nagsigabong ang isa ka granada.
Sa dise syete ka mga biktima 16 ang nakaangkon sang minor injuries kag ang isa ang nakaangkon sang malala nga pilas sa tiyan nga gilayon man nga ginbalhin sa St. Louis Hospital sa Tacurong City.
May-angot sini ginaimbestigaran nila sa subong suno kay Supiter nga isa sa suspek ang napilasan man sa nasambit nga pagsigabong sang granada.
Padayon naman ang imbestigasyon sang Tacurong City Pnp sa nasambit nga insidente kag sa subong isa sa ginalantaw nila nga motibo suno sa Police Provincial Director sang Sultan Kudarat Pnp amo ang personal grudge.
