Dead on arrival sa ospital ang babaye nga backrider sang motorsiklo sa nagluntad nga vehicular accident sa National highway, Brgy. Carpenter Hill, City of Koronadal, alas 7:35 sang gab-i sang Disyembre 12, 2020. Imbolbado sa nasambit nga insidente ang isa ka unit Rusi motorcycle ginamaneho ni Fernand E Distor, 40 years old kag residente sang Prk. Ledesma, Brgy San Roque, Koronadal City kag may 2 ka mga backriders nga ginkilala kanday Cherry Ann Lamerez kag Jaypee Lamerez, pareho residente sang Prk. Ledesma, Brgy San Roque, Koronadal City kag isa ka unit sang Yutong Bus Mindanao Star ginamaneho ni Allan Wamilda Lascuna, 48 years old kag residente sang Extension Digos City, Davao del Sur . Sa inisyal nga imbestigasyon sang Koronadal City Traffic Secition ang motorsiklo ang nagasubay sa national highway halin sa direksyon sang Brgy. Saravia padulong sa New City Hall, Brgy. Zone 111, apang pag-abot sa atubang sang University of Philippines (UP) sa Prk. Pag-asa, Brgy. Carpenter Hill, aksidente ini nga nabungguan sang bus nga nagasubay sa pareho nga direksyon. May-angot sini, nagresulta ini sa pag-angkon sang physical injuries sang driver sang motorsiklo kag gindala sa Allah Valley Medical Center , samtang ang isa ka backrider sini ang nakaangon man sang physical injuries nga gindala sa Dr. Arturo Pinggoy Medical Center. Ang babaye nga backrider ang gindala naman sa South Cotabato Provincial Hospital, apang gindeklarar nga dead on arrival (DOA) sang attending physician. Sa subong ang duha ka mga salakyan nga imbolbado ang yara sa kustodiya sang Koronadal CPS para sa nagakaigo nga disposisyon. photo by: Kagawad Raymond Marin
