Luyo pa man sa abiso sa PAGASA ug Phil. Coast Guard ngadto na sa mga gagmayng sakyanang pandagat nga likayan ang paglawig sa kadagatan o pagpanagat niadtong nakalabyang adlaw tungod sa pag-ataki ni Bagyong Urduja. Mihimo gihapon sa pagpanagat ang napulo ka mga mamananagat didto sa kadagatan sa Suluan Island Eastern Samar diin nayabo ang gisakyan niining fishing boat tungod sa mga dagkong balod ug ang maong ihap sa mga mananagat nga taga Tacloban City ug Surigao nga on board sa F/B Jojules 3 ang narescue kini apan didto na sa kadagatan na nga sakop sa Socorro, Surigao del Norte. Giila ang mga narescue nga sila si Romel Rallestan, 23 anyos, Jem Baguis, 22 anyos; Gilbert Palania, 28 anyos; Nilo Valles, 43 anyos; Ignacio Quibio, 47 anyos; nga parehong taga Guiuan Eastern Samar; Pepe Diada, 46 anyos; Eddie Etchon, 53 anyos, FRedeswendo Tabugon, 28 anyos ug Joseph Etchon nga parehong taga Lungsod sa Barobo, Surigao del Sur. Sa ulahing taho, usa sa kaubanan sa maong mga mananagat nga si Loreto Diada, 53 anyos nga taga Lungsod sa Barobo ang pabiling missing hangtud sa pagkakaron. Sent from my Samsung Galaxy smartphone.
