Boracay — Napueo ka mga establisyemento nga nahataw-an it Certificate of Compliance nga bukon it compliant rong nadiskubre sa isla it Boracay.
Raya rong pagpahayag ni Undersecretary Sherwin Rigor it Department of Environment and Natural Resources (DENR) sa ginhimong press conference ko Sabado sa anang pagbisita sa sa isla.
Suno kana nga nauna eong gintaw-an it Certificate of Compliance maskin nga uwa pa naka comply ag naka kompleto it mga requirements nga ginahinyo it LGU Malay ag kung DENR kaprehas it easement, STP, ag accreditation.
Nadiskubre raya it DENR matapos rong ginhimo sa ikaywang review ag monitoring sa tanan nga mga nataw-an it Compliance Certificate sa isla.
Angot kara, paga taw-an nanda it notice ro napueo ka mga establisyemento nga isarado anay ro andang negosyo ag mag comply it tanan nga requirements bago mag bukas it uman.
Kung matandaan nga ginmanduan kato ni DENR Sec. Roy Cimatu rong EMB (Environmental Management Bureau) ag MBG (Mines and Geosciences Bureau) nga usisaon it mayad kung compliant rong mga hotel establishments nga nataw-an it Environmental Compliance Certificate (ECC).
Igasapubliko man nanda rong mga listahan ko nasambit nga mga establisyemento.
