100 ka mga foreigners padayon nga stranded sa Negros Occidental

17

May nabilin pa nga masobra isa ka gatos ka mga dumuluong nga na-stranded sa nagkalain-lain nga mga banwa kag ciudad sa probinsya sang Negros Occidental, wala labot sa ciudad sang Bacolod.

Suno sa record sang Negros Occidental Provincial Tourism Division ini ginalakipan sang 29 ka mga German national, 23 ka Canadians, 18 ka Americans, 14 ka Swiss, 5 ka British nationals, 4 ka Austrians, 3 ka Australiano kag 3 ka Swish nationals.


Lakip man sa na-stranded ang Czech, Dutch, French, Hungarian, Slovakian kag Japanese nationals.

Sa karon gina-facilitate na sang Tourism Division ang repatriation sang amo nga mga dumuluong sa atubang sang ginapatuman nga ECQ kag nagapakig-angut man sa mg LGUs para i-accommodate ang indi pa maka-biyahe bangud sang restrictions.

Madumduman nga sang nagligad nga Biernes (April 3) gin-repatriate sang Korean Embassy ang 55 nila ka mga nationals sakay sa isa ka chartered flight sang Cebu Pacific halin sa Bacolod-Silay Airport.

Upod man nga gin-repatriate ang 9 ka mga Singaporeans, 12 ka Japanese kag 8 ka mga Taiwanese halin sa Negros Occidental.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments