Nakarekord na sang 11 ka kaso sang balatian nga tipdas ang Provincial Health Office sang South Cotabato subong nga bulan suno kay Disease Surveillance Officer Celia Lorenzo.
Suno pa naglapta ang balatian tungod ang carrier ang yara sa boarding house sa bahin sang Barangay Libertad sa banwa sang Surallah kag naglatnan ang iban.
Apang gilayon man suno kay Maam Lorenzo nga nakontrol ang paglapta sang nasambit nga balatian.
Kadam-an naman sa naigo sang tipdas ang mga adult tungod posible nga wala nabakunahan ang mga ini batok sa nasambit nga balatian kaysa sa mga kabataan nga protektado.
Sintomas naman sang tipdas amo nga lagnat, nagaubo, sip-on kag nagapula ang mata.
Sa tion nga may-yara sang sintomas sang tipdas ila ginaadvice nga i-isolate gid sa sulod sang apat ka adlaw ang biktima bangud madasig ang paglapta sini, magpahuway, hatagan sang proper nutrition kag dal-on sa hospital tungod makapatay ang nasambit nga balatian.
11 narekord nga kaso sang tipdas sa South Cotabato subong nga bulan.
Facebook Comments
