Mikabat na sa 114 ka mga pasyente ang na admit sa Northern Mindanao Medical Center kon NMMC sukad sa Enero hangtud sa Mayo 5.
Kining mga pasyenteng gidudahan nga gitakboyan sa sakit nga Corona virus ug pipila niini positibo sa Covid-19.
Matud ni Dr. Bernard Julius Rocha, Medical Specialist II sa NMMC nga sa 114 ka mga pasyente, 12 niini ang positibo sa sakit nga corona virus.
Samtang 22 ang suspek sa maong virus ug ang negative 80.
Ang nag-test negative sa Corona virus alas onse kagahapon sa buntag ang usa ka 65 anyos nga babayeng taga Barangay Lapasan.
Ang maong babaye, na-admit sa NMMC niadtong Abril 30 lakip sa nag-test negative human na-admit niadtong Abril 30 ang usa ka 46 anyos nga taga Barangay Bugo.
Negative usab ang usa ka 35 anyos nga babaye, nga dili taga Cagayan de Oro nga na-admit sa NMMC niadtong April 29.
Matud ni Dr. Rocha nga kining tulo ka mga nag-negative sa corona virus anaa na sa stable nga condition.
-o0o-
