Mukabat sa 118 ka mga supporter ug militia ng bayan sa New Peoples Army kon NPA ang boluntaryong nitahan ngadto sa 8th Infantry Batallion, Philippine Army.
Sa interview sa RMN Malaybalay ngadto kang 1st Lt. Tere Ingente, ang spokesperson sa 4th Infantry (Diamond) Division kon 4th ID gibutyag niii nga ang mao nga nag-surrender nanumpa ug suporta ngadto sa gobyerno atol sa gihimo nga seremenya kaniadtong Huwebes, Huly 5 sa Barangay Bulonay, Impasugong, Bukidnon.
Kabahin matud pa sa mao nga seremenya ang dayalogo tali surrenderees ug sa mga local nga ahensiya sa gobyerno.
Matud ni Ingente nga kabahin sa mao nga nga kalihukan, ang pagsunog sa flag sa CPP-NPA.
Sigun sa opisyal nga ang mao nga kanhi militia ng bayan ug supporter sa NPA nitahan tungod sa gihimo sa kasundaluhan nga Community Support Program (CSP).
Apil sa dayalogo mao ang pagsusi sa mga isyu ug concern niini aron mahatagan ug pagtagad sa gobyerno ang kasamtangan problema sa komunidad.
Hinoon gibutyag ni Ingente nga sa mao nga ihap nga nitahan, walay mga regular nga miyembro sa NPA apan adunay militia ng bayan ug daghan ang mga supporter.
Ang mga militia ng bayan mao ang gibinlan sa mga regular NPA sa ilang mga armas ug improvised explosive device kon IED.
