Dose ka mga menor de edad ang girescue sa Regulatory and Complaint Board kon RCB Inspectorate Team sa Jesper Beach Resort sa Barangay Bonbon ning syudad kagahapong adlawa.
Matud sa RCB nga ang maong mga minors, mga estudyante sa Cagayan de Oro City National High School ug kasagaran kanila taga Barangay Nazareth ug Macasandig.
Gidala sa RCB sa Nazareth Barangay Hall ang mga kabataan ug gipatawag ang mga opisyales sa nasangpit nga tunghaan ug ang mga ginikanan aron matagaan og tukmang aksyon uban ang City Social Welfare and Development ug Barangay Council for the Protection of Children.
Mahinumduman nga niadtong Miyerkules sa buntag gihimo ang dxCC-RMN Live sa Barangay Bonbon ug didto napaabot sa mga residente ang ilang hangyo nga masusi ang Jesper Beach Resort kay dunay gakakita nga mga kabataan panahon sa ting klase.
Alayon niini, mapasalamaton usab ang dxCC-RMN Cagayan de Oro ngadto sa RCB sa positibong aksyon nga gihimo alang sa kaayuhan sa mga kabataan.
