Tangalan, Aklan – Gindeklara it Philippine Drug Enforcement Unit (PDEA) Region 6, oversight committee rong 12 sa 15 ka mga barangay it banwang Tangalan bilang drug-cleraed barangays.
Raya hay rong mga kabarangayan it Afga, Dumatad, Jawili, Dapdap, Vivo, Lanipga, Tamokoe, Napatag, Tondog, Pudiot, Tagas ag Panayakan.
Samtang rong barangay it Tamalagon, Poblacion ag Baybay hay ginahueat pa rong perma kung oversight committee it PDEA para nga maideklara man drug cleared agod maging 100% eon nga drug cleared rong bilog nga banwa it Tangalan.
Para nga madeklarang drug-cleared rong sangka lugar, hay dapat uwa it presensya it pusher ag user, ag uwa it ueobrahan ag uwa it gina bagsakan it droga.
Kinahangean man rong partisipasyon it Barangay Drug Abuse Council (BDAC) ag Municipal Drug Abuse Council (MDAC) kuntra sa illegal nga droga.
Nauna eon nga gindeklara bilang drug-cleared municipality sa probinsya it Aklan rong banwa it Buruanga ag rong waeo sa dose ka mga barangay it banwang Lezo.
