Naglab-ot na sa 11,424 ang mga nag-ayo sa COVID-19 sa bug-os nga Western Visayas matapos may dugang nga 280 ka pasyente ang nakarecover subong nga Lunes.
Nagsaka naman sa 349 ang numero sang mga napatay bangud sa balatian matapos may duha ka pasyente ang ginbawian sang kabuhi.
Nadugangan sang 127 ang kaso sang COVID-19 sa Western Visayas subong nga adlaw kabangdanan nagsaka naman sa 14,791 ang kabug-usan nga kaso sang COVID-19 sa rehiyon 6.
Base sa COVID-19 case bulletin 206 nga ginpaguwa sang DOH-6. May pinakamadamo nga bag-o nga kaso ang nalista sa Negros Occidental nga may 82, ginasundan sang syudad sang Iloilo nga may 33, probinsya sang Iloilo nga may 28, syudad sang Bacolod nga may 21 kag probinsya sang Capiz nga may 19 ka kaso.
Sa kabug-usan nga 14,791 nga kaso, yara sa 3,018 na lamang ang aktibo nga kaso sang COVID-19 sa Western Visayas.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
