General Santos City—Walay nakit-ang Foul Play ang Police Station 3 sa kamatayon sa usa ka 13 anyos nga dalagita kansa una nang nakaplagang nagbitay sa usa ka lawak sulod sa ilang compound sa may barangay Lagao Gensan alas 2:00 ang takna sa hapon niadtong adlawng Sabado.
Ang biktima itago lang sa pangalang Alias Regen, 13, estudyante, Residenti sa Barangay Lagao, Gensan. Alas 2 ang takna sa hapon dihang nakaplagan ang patayng lawas sa biktima sulod sa usa ka lawak sa balay nga gipanag-iyahan sa usa ka Alias Rowena.
Gikabutyag nga natingala nalang ang mga nagpuyo sulod sa compound nga sila nakatimaho ug baho kaayo gikan sa maong balay mao nga ilang gisuta, apan tungod naka-lock ang kwarto., kinahanglan pa nilang mokatkat s kesame aron kini maablihan, didto na nakit-an ang patayng lawas sa biktima nga nagbitay na ug wala nay kinabuhi.
Subay sa pahayag sa kapulisan posibleng anaa na sa duha hangtud sa tulo ka adlaw nga namatay ang biktima tungod anaa na kini ilawom sa state of decomposition.
Subay usab sa pahayag sa 16 anyos nga uyab sa biktima, posibleng nadepress ang nasampit human nga mikatag ang sex video niini.
Usa sa gikadismaya matud pa sa biktima nga gipadala pa sa 16 anyos niya nga uyab ang maong video.
