13 ka benepisyaryo sa Camiguin, nakadawat sa 255 mil nga livelihood assistance gikan sa DOLE

Nakadawat sa tag-255 mil pesos nga financial assistance ang 13 ka mga binipisyaryo sa Camiguin isip Kabuhayan Individual Project ubos sa Integrated ang Emergency Employment Program sa Department of Labor and Employment o DOLE-10 Camiguin Provincial Field Office.

Gipasabot ni DOLE-10 Camiguin chief Emmanuel Toledo nga ang gobyerno boot motabang sa marginalized ug kabus nga hut-ong sa katilingban.

Pinaagi sa Kabuhayan Individual Project nagtumong sa paghatag dugang kinitaan sa mga binipisyaryo. Ang 13 ka binipisyaryo gilangkoban sa asawa, mangingisda, low-wage earners ug trabahante.