SILAY CITY, NEGROS OCCIDENTAL – Naka-angkon sang minor injuries kag gindala sa Teresita Jalandoni Provincial Hospital ang kapin sa 13 ka mga manunudlo matapos nga ma-aksidente ang ila gina-sakyan nga service jeep sa syudad sang Silay.
Suno sa driver sang jeep nga si Carlos Delotina, residente sang Brgy. Guimbalaon, Silay City nga iya na kuntani i-dulong ang mga ma-estra sa Guimbalaon National High School sang mabunggu-an sang truck sa intersection sang highway sang Bacolod-Silay International Airport.
Ang driver sang truck nga detained sa karon sa Silay Police Station nakilala kay Nazareno Padernal, 34 anyus sang Brgy. Makiling, syudad sang Sagay.
Sa imbestigasyon sang Silay PNP, ang amo nga mga manunudlo nga sakay sang amo nga jeep nakilala nga sanday Mary Rose Napay, Myra Rollo, Melvin Badian, Eduardo Cobrado Jr., Rhea Gomez, Emily Dusban, Elsa Peñaranda, Ma. Lourdes Gregorio, Catherine Arceo, Neneth Velez, Jennely De la Cruz, Nancy Patron kag Carmenia Gonzaga./ Updated as of September 6, 2017/dyHB BACOLOD
