Nagalab-ot sa 13 ka mga eskwelahan ukon Higher Education Institutions sa rehiyon dose ang ginapahanugutan sang Commission on Higher Education ukon CHED nga magpatigayon sang limited face-to-face classes. Base sa datos sang CHED lakip sa mga eskwelahan nga makapatigayon sang limited face-to-face classes ang Cotabato Medical School Foundation, Incorporated; Notre Dame of Misayap College, North Valley College Foundation, Incorporated; Sultan Kudarat State University, Sultan Kudarat Eucational Institution, Southern Mindanao Institute of Technology, Southern Baptist College, VMC Asian College Foundation, Incorporated, St. Alexius College, University of Southern Mindanao-Kabacan Campus, Brokenshire College of SOCKSARGEN ;General Santos Doctor’s Medical Foundation, Incorporated kag Southern Christian College. Ang nasambit nga mga eskwelahan ang nagatanyag sang medical courses kapareho sang Medicine, Nursing, Medical Technology ukon Medical Laboratory Science, Physical Therapy, Midwifery kag Public Health. Suno kay CHED Chairperson Prospero De Vera III nga ang nasambit nga mga eskwelahan ang nakaplastar sang ila pasilidad kag nagasunod sa health standards. Ginpahayag ni De Vera nga kadam-an sang mga HEI nga ginpasugtan sa limited-face-to face classes angnmclassified nga A1 ang mga nabakunahan na nga mga manunudlo. Magluwas dire madamo naman suno pa nga mga estudyante sini nga may-yara sang clinical internship sa mga ospital ang nabakuhan na matapos ma-classify nga A1 sang DOH. Pasiguro pa ni De Vera nga hugot naman nga imonitor sang CHED ang nasambit nga mga eskwelahan kon nagasunod sa mga polisiya sa face-to-face classes.
