13 ka mga pulis sang Tantangan MPS ginrelieve sa pwesto.

Ginrelieve sa pwesto ang 13 ka mga pulis sang Tantangan PNP matapos nga wala sa presinto ang mga ini sang nagpatigayon sang inspeksyon ang pamunuan sang National Police Commission ukon NAPOLCOM.
Suno kay Police Col.Joel Limson, Police Provincial Director sang South Cotabato lakip sa ginrelieve sa pwesto ang chief of police sang Tantangan PNP nga si Police Captain Romeo Albano.
Paklaro naman ni Limson nga lakip sa ginrelieve ang Chief of Police agud maimbestigaran kon bala may lapses ini sa pagdisiplina sa iya nga mga tinawo.
Pagapasakaan naman suno pa sang kaso administratibo ang nasambit nga mga pulis agud nga madepensahan ang ila kaugalingon.
Ang nasambit nga tikang suno pa sang NAPOLCOM ang kabahin sang internal cleansing sa hanay sang PNP.
Alibay naman suno pa sang nasambit nga mga pulis nga yara sila sa operasyon sang nag-abot ang taga-Napolcom.