Gisikop sa kapulisan sa Misamis Oriental ang 13 ka mga wanted persons sulod lamang sa lima ka adlaw.
Kini nga operation gihimo gikan niadtong Oktubre 31 hangtud Nobyembre 4 ning tuiga.
Napulo sa mga suspek ang gisikop pinaagi sa Lagonglong Municipal Police Station tungod sa kasong grave threats.
Lakip sa mga gisikop mao silang Oscar Gadrinab, 38 anyos, minyo, Jumel Sumalinog, 30 anyos, minyo, Elvic Rivero, 21 anyos, ulitawo, Alexander Lloren, 26 anyos, minyo, Raffy Ronquillo, 20 anyos, ulitawo, Joel Delima, 20 anyos, ulitawo, Aiko Lloren, 24 anyos, minyo, Rey Parilla, 30 anyos, ulitawo, Vincent Gadrinab, 21 anyos, ulitawo, Marvin Gabriel Japona, 26 anyos.
Makagawas lamang ang napulo ka mga suspek kung makapiyansa og 72-mil pesos.
Nobyembre 1 sa alas 7:45 sa gabie gisikop sa kapulisan sa Jasaan ang number one most wanted person sa ilang lungsod tungod sa kasong murder.
Suspek mao ang 48 anyos nga si Alvin Padrigalan Sr., minyo ug taga Purok 1, Barangay Corrales, Jasaan, Misamis Oriental.
Nobyembre 2 sa alas 9 sa buntag gisikop sa kapulisan sa Claveria ang wanted sa kasong attempted Rape.
Kini mao si Luderick Monsanto, Sr., 58 anyos, minyo ug taga Barangay Luna, Claveria, Misamis Oriental.
Makagawas lamang si Monsanto kung makapiyansa sa 120-mil pesos.
Samtang niadtong Nobyembre 4 ning tuiga sa alas dos sa hapon gisikop sa kapulisan sa Opol ang wanted sa kasong paglapas sa Republic Act 8550 o mas nailang Dynamite Fishing.
Ang suspek mao si Candido Yek, 77 anyos, balo ug taga Malingin, Igpit, Opol, Misamis Oriental.
