13 Miyembro sa NPA misurender sa South Cotabato

39

South Cotabato- Mitahan sa ilang kaugalingon ngadto sa tropa sa militar ug kapulisan ang mukabat sa 13 ka miyembro sa rebeldeng New People’s Army (NPA) sa South Cotabato.

Matud ni Police Lt.Col Barney Condes, Battalion Commander sa Regional Mobile Force Battalion (RMFB)-12 nga ang mga misurender ang residente sa Lake Sebu, Tampakan ug Surallah kansa sakop sa Guerilla Front 73 ug Front 71.


Gibutyag usab ni Condes nga ang maong grupo ang una nang naka-engkwentro sa tropa sa 27th IB Philippine Army sa Sitio Pangi, Barangay Lunen sa Tupi niadtong nakalabayng bulan nga gikamatay sa usa ka miyembro sa NPA.

Bitbit sa mga rebel returnees ang duha ka landmines, short firearms, 2 ka long firearms, 6 ka magazine, ug mga sinina nga may tatak nga Partido Komunista ng Pilipinas.

Sa karon anghimo na ug validation ang PNP ug militar aron nga maproseso ang pagpailawom sa mga nasampit ngadto sa Enhanced Comprehensive Local Integration Program (ECLIP)-programa sa gobyerno nga nagatabang sa mga rebel returnees.

Facebook Comments

From Advertisers