Nakahandang humarap sa imbestigasyon ng DILG at Department of Justice ang labing tatlong pulis Pampanga na nasasangkot sa maanomalyang anti drug operation sa Pampanga noong 2013.
Ayon kay PNP Spokesperson Brig Gen Bernard Banac all accounted ng Philippine National Police ang mga pulis na ito.
Labing dalawa aniya sa mga pulis Pampanga ay nasa kustodiya ng personnel and holding accounting unit ng PNP sa Camp Crame.
Habang ang isa na kinilalang si Police Col Rodney Raymundo Baloyo ay nakakulong ngayon sa New Bilibid Prison matapos na ma-contempt sa isinagawang padinig ng Senado dahil sa hindi pagsasabi ng totoo.
Bukas ay muling magkakaroon pagdinig ang Senado hinggil sa isyu ng Good Conduct Time Allowance o GCTA for sale pero ayon kay Brig Gen Banac wala pang natatangap na imbitasyon si PNP Chief Albayalde para muling dumalo sa pagdinig.
