130 ka mag-uuma nakadawat og agricultural inputs

17

Alabel, Sarangani Province – Mibati og dakong kalipay ang 130 ka mga mangunguma gikan sa tulo purok sa Barangay Alegria nga mao ang Purok Malaya, Pongoleel ug Plenggang human nahimong benepisyaryo sa mga agricultural inputs gikan sa Department of Agriculture – Region XII pinaagi sa kooperasyon sa Alabel Local Government Unit.

Ang mga hinabang nga nadawat sa mga mag-uuma gilangkuban sa tag-usa ka sakong similya sa hybrid white corn, sinakong fertilizers (abono sa mais), ug pestisidyo o pamatay sa ilaga.

Gipangunahan sa Municipal Local Chief Executive Mayor Vic Paul M. Salarda ang pagpanghatag sa mga ayuda kauban ang mga personahe sa Office of the Municipal Agriculturist (OMAG).

“Ang lokal nga gobyerno sa Alabel padayon ang pagsuporta sa mga mangunguma, palamboon ninyo kining mga tabang,” sigun pa ni Mayor Salarda.

Adunay aktibo matod pang koordinasyon ang OMAG ngadto sa DA XII kung asa dako ang nahimong tabang sa pagdagsa sa ayuda ngadto sa mga lokal nga mangunguma sa lungsod.

Kahibaw-an nga adunay ginamugna nga food security plan sa tibuok munisipyo kung asa ang OMAG nagapahigayon og food security/production orientation ug food survey sa matag barangay sa Alabel.

Mipahinumdum usab si Mayor Salarda ngadto sa mga mangunguma nga padayon ang pagtuman sa mga minimum health standards sama sa pagsul-ob og facemask ug faceshield, pag-obserba sa social distancing og makanunayong paghugas sa mga kamot gamit ang tubig ug sabon tungod sa hulga sa COVID-19.




“Ampingan nato ang atong kaugalingon alang sa atong pamilya,” matud pa sa alkalde.
CTTO : Alabel Information Office

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: 120288693_668307484073030_3443319784482612099_o.jpg]

Facebook Comments