Polomolok, South Cotabato – Patay sa pagpamusil ang 61 anyos na electrician nga nagmaneho sa iyahang motorsiklo samtang luwas ang iyahang babaye na angkas sa may Provincial Road, Barangay Lapu, Polomolok, South Cotabato.
Sa inisyal nga imbestigasyon, ang biktima giila nga si Abdul Tahir y Mamalumpong, 61 anyos, balo, electrician, residente sa Purok Maguindanao, Brgy. Lumakil, Polomolok South Cotabato.
Nagmaneho og motorsiklo ang biktima angkas ang babaye (wala na gihinganlan alang sa siguridad) na taga-Purok Maguindanao, Brgy. Lumakil og gikan sila sa Brgy. Bentung sa maong munisipyo.
Dugang sa kapolisan, pag-abot sa biktima sa Brgy. Lapu, adunay duha ka wala mailhing mga suspetsado sakay og motorsiklo ang midikit sa biktima dayon pusil tulo ka higayon ngadto sa nasangpit.
Gamit matod pa sa mga suspek ang .45 caliber pistol na armas dayon mipasutoy og padagan sibat sa crime scene.
Gidala sa mga concerned citizen ang biktima ngadto sa Polomolok Municipal Hospital alang sa medical attention og nahimong kritikal ang kondisyon human nakaangkon og duha ka samad likod nga bahin sa ulo.
Sa crime scene, nakakuha ang kapolisan og tulo ka fired cartridge cases sa .45, motorsiklo sa biktima ug uban pang personal nga butang niini na gitugyan dayon sa kapolisan ngadto sa iyahang kabanay.
Mihimo og hot pursuit operation ang kapolisan batok ngadto sa nakasibat na suspek alang sa pag-ila og pagsikop.
Gidudahan sa Polomolok PNP na personal na away ang motibo sa pagpamusil.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120759750_1068526813550449_5867282573056461925_n.jpg]
