134 ka bag-o nga kaso sang COVID-19 nagdugang sa Western Visayas subong nga Lunes, 36 dire taga Negros Occidental kag 18 taga Bacolod

18

Nadugangan sang 134 ang mga natapikan sang COVID-19 sa rehiyon 6 rasun naglab-ot na sa kabug-usan nga 16,982.

Base sa covid-19 case bulletin 220 nga ginpagwa sang DOH-6, ang probinsya sang Iloilo ang may pinakamadamo nga bag-o nga kaso nga naglab-ot sa 37, ginasundan sang Negros Occidental nga may 36, syudad sang Iloilo may 28, Bacolod City may 18 kag Capiz may 10 ka kaso.


Nagsaka naman sa 13,559 ang mga nag-ayo matapos nadugangan sang 210 ka bag-o nga mga recoveries.

Samtang ang mga napatay sa balatian nagapabilin sa 390.

[image: image.png]

Facebook Comments