Ni Jay-ar M. Arante, RMN-DYKR Kalibo
Maabong Good News do ging paabot ni Govenor Florencio Miraflores sa pag-deliver ko anang State of The Province Address (SOPA) para sa mga Aklanon kahapon.
Una kara rong pagtaas nga nakuliktang Tax halin ko Enero-Desyembre 2016 nga may 100. 3 Milyon pesos mas mataas kumpara ko 2015 nga naka-kolekta eamang it 95.9 Milyon pesos, sunod kara base sa 2017 first semester performance ro andang real property tax collection hay nag-taas man it 10.2 Milyon pesos kumpara ko 2016.
Mag-eowas sa pagtaas it kinita ko Aklan malipayon man nga ging balita it Gobernador nga maeapit lang matapos do Banga-Libacao road project ag ro kakatapos eang nga Madalag bridge nga gina tawag nga Farm to Market road.
Pila pa sa mga good news nga anang ging paabot hay ro pagtaas it tourism arrival sa Boracay, pagtaas it kinita ko Jetty Port pagkabaton ko unsolicited proposal para sa joint venture arrangement with Maritime Express Transport, Inc. para sa Kalibo Reclamation and Development project ag iba nga mga infrastructure project sa Aklan ag mga maabong pang mga masunod nga proyekto.
Ro SOPA ni Gov. Miraflores hay ging hiwat sa bag-ong legislative building it Sangguniang Panlalawigan nga ging hangaan it tanan nga nag-atindar dahil sa inggrande ko lugar ag manami nga mga pasilidad sa suoed ko building.
Si Senator Cynthia Villar ro dinapit nga bisita sa Inauguration it bag-ong building ag naging guest sa SOPA ni Miraflores kaibahan do mga government officials ag department heads sa bilog nga Aklan.
