General Santos City—samdan ang usa ka 14 anyos nga bata human kining gidunggab sa grupo sa batan-on sa may Marcos Highway sakop sa Barangay Apopong Gensan ala 11:45 ang takna sa kabuntagon kaganina lang.
Biktima itago lang sa pangalang Alias Joshua, 14, residenti sa Purok Yusavill, Barangay Sinawal ning dakbayan.
Nasayran nga nagbaktas ang biktima uban sa iyang upat pa ka mga amigo didto mismo sa maong lugar dihang ilang nakasugat ang grupo sa mga batan-on. Sila gipanggukod sa mga nahisgutan naabtan nila ang biktima mao nga gidunggab upat ka higayon.
2 ka samad sa likod ug duha usab ka samad sa iyang kamot ang naangkon sa nasangpit nga minor de edad. Paspas usab nga misibat ang mga suspek sa wala sayring lugar samtang ang biktima, gidala gilayon sa Dr. Jorge Royeca Hospital ug kasamtangan karong naadmitar.
Sa karon padayon ang gihimong imbistigasyon sa kapulisan kalabutan sa insidenti samtang gituohang natripan sa mga miyembro sa Children In Conflict with the Law (CICL) ang nasangpit nga biktima.
