Ginahingyo sang pamunuan sang Integrated Provincial Health Office South Cotabato sa mga nagaabot nga locally stranded individuals kag mga returning OFW`s ang padayon nga kooperasyon kag pagsunod gid sa ginapatuman nga health protocol partikular na ang istrikto nga 14 days quarantine compliance. Ini matapos nga padayon ang pag-abot sang mga ini kag may mga LSI`s nga nagpositibo sa COVID-19 pag-abot dire sa probinsya.
Nahibaluan nga sang Hunyo 12 nga datos nga ginpaggwa sang Department of Health isa ka locally stranded kag isa returning OFW dire sa probinsya ang nagpositibo sa COVID-19.
Suno kay Provincial Epidemiology Surveillance Unit Officer Celia Lorenzo wala nagapabaya ang provincial government upod ang mga municipal kag city government sa mga luyag magpauli nga LSI`s kag ginasugat gid ang mga ini agud mapaidalom sa test kag monitoring.
May-angot sini, tanan nga nagpositibo suno pa sa COVID-19 dire sa probinsya ang nacapture tungod namonitor ang mga ini.
Ginpahayag man ni Lorenzo nga may pipila gid ka mga LSI`s kag ROF nga namingawan kag natak-an na sa pagtinir sa quarantine area, apang ila ginahingyo sa mga ini ang pasensya kag tapuson gid ang 14 days quarantine.
photo by: Provincial Government of South Cotabato
