Mataas ang turn-out sang nagapadayon nga enrollment sa mga pampubliko nga eskwelahan dire sa rehiyon dose sa duha na ka semana base sa datos sang Department of Education ukon Dep. Ed. 12 sa tunga sang coronavirus disease ukon COVID-19 pandemic.
Suno kay Dep. Ed. 12 Regional Director Dr. Allan Farnazo naglab-ot na sa masobra 470 thousand ang nagpaenrol sa bug-os nga rehiyon kag posible nga magsaka pa subong kag bwas nga adlaw ang numero.
Nagalaum man siya nga malab-ot ang target nga 1 million nga turn-out sang enrollment subong nga school year 2020-2021 sa pihak sang paandam sang COVID-19.
Nagaggwa man sa datos suno kay Dr. Farnazo nga modular learning ang mas ginpili nga pamaagi sang pagtuon sang mga kabataan, nagasunod ang online kag blended learning.
Samtang advice niya sa mga ginikanan nga indi piliton nga mag-online learning ang mga kabataan kon indi kaya kag indi mangutang sang mga gadgets nga gamiton.
Ginahangkat niya man ang mga ginikanan nga ipaenrol na ang mga kabataan matapos nga magadugay ang enrollment tubtob sa Hunyo 30 subong nga tuig.
