i Balita
January 05, 2019
(Photo from web)
14 KA BANWA SA ILOILO, CAPIZ KAG AKLAN NGA GINPA-IDALUM SA STATE OF CALAMITY BANGUD SA BAGYO URSULA, MAKABATON SANG FINANCIAL ASSISTANCE HALIN SA ILOILO CITY GOVERNMENT
Makabaton sang tag-P300,000 halin sa Iloilo City Government ang 14 ka local government units nga apektado sang bagyo Ursula nga ginpaidalum sa state of calamity.
Ini matapos gin-aprubahan sang City Disaster Risk Reduction and Management Council ang resolution agud hatagan sang financial assistance ang 14 ka LGUs sa Iloilo, Capiz kag Aklan nga apektado sang bagyo Ursula nga nagabalor tanan sang P4.2 million.
Ang bulig pagakuha-on sa Quick Response Fund (QRF) sang Disaster Risk Reduction Management.
Ang makabaton amo ang probinsya sang Aklan; mga banwa sang Kalibo, Malay, kag Ibajay; Capiz, Roxas City, kag banwa sang Sigma; banwa sang Pandan, Caluya kag Libertad sa Antique; kag banwa sang Concepcion, Carles, Batad kag Balasan sa Iloilo.
Suno kay Mayor Treñas, hingyu-on niya ang City Council nga aprubahan ang rekomendasyon sa ila session sa masunod nga semana agud mahatag na ang pondo para sa apektado nga LGUs.
Dugang pa sang alkalde nga sang gin-igo sang bagyo Frank ang Iloilo sang Hunyo 2008, madamo man ang naghatag sang bulig gani nagaka-angay lang nga magbulig man ang Iloilo City sa lugar nga gin-igo sang kalamidad.
