Mukabat ngadto sa 14 ka mga panimalay ang apektado sa ipo-ipo o buhawi nga ni-igo sa Purok 12, New Camiling, Batangan, Valencia City alas 2 kaping kon kulang kagahapong adlawa.
Sa interview sa RMN Malaybalay ngadto kang Samuel Langub, ang Public Information Officer sa LGU Valencia gibutyag niini nga nanglupad ang atop sa maong mga panimalay tungod hangin nga dala sa ipo-ipo.
Aduna matud pay usa ka balay ang natumbahan ug kahoy nga naluad.
Hinoon gibutyag ni Langub nga wala usay natalang nasamdan sa mao nga insidente.
Samtang gawas niini, aduna usay himoon nga assessment ang DANA team sa CDRRMC Valencia sa nahitabong ipo-ipo usab sa Purok 12 , Barangay Tungan-tungan kagahapon.
Matud ni Langub nga dugay nakahatag ug taho ang mao nga barangay maong sayron pa kini sa DANA team kon pila ka panimalay ang apektado usab sa mao nga dapit.
Hinoon wala usay nasamdan sa maong nga ipo-ipo sa maong nga barangay.
Gi-andam na usab ang posibleng tabang ngadto sa mga apektadong mga pamilya.
