143 ka bag-o nga kaso sang COVID-19 nagdugang sa Western Visayas, 62 dire taga Negros Occidental kag 10 halin sa Bacolod

14

Nagsaka na sa 12,953 ang mga nag-ayo sa COVID-19 sa Western Visayas matapos 84 pa ka pasyente ang naka-recover subong nga Huwebes, Oktubre 29.

Samtang nadugangan man sang duha ang mga napatay sa balatian nga nagsaka naman sa 385 ang kabug-usan nga ginbawian sang kabuhi bangud sa COVID-19 sa rehiyon.


Nadugangan man sang 143 ka bag-o nga kumpirmado nga kaso sang COVID-19 sa rehiyon kabangdanan nagsaka na sa 16,480 ang kabug-usan nga numero sang mga nalatnan sang balatian.

Sa karon, naglab-ot na sa 3,142 ang aktibo nga kaso sang COVID-19 sa rehiyon.

Sa 143 ka bag-o nga mga kaso, ang Negros Occidental ang may pinakamadamo nga naglab-ot sa 62, ginsundan sang probinsya sang Capiz nga may 28, probinsya sang Iloilo nga may 22, syudad sang Iloilo may 19 kag Bacolod City nga may 10 ka kaso.

[image: image.png]




Facebook Comments