Madawat na sa mga empleyado sa kapitolyo ang ilang 14th Month pay karong semanaha.
Kini ang gipahibalo ni Misamis Oriental Gov. Bambi Emano human niini madawat ang pasidungog gikan sa Department of Interior and Local Government kon DILG nga mao ang Seal of Good Local Government kon SGLG.
Gibutyag sa opisyal nga lakip sa hatagan sa 14th month pay ang mga Job Order ug Consultant sa kapitolyo apan kinahanglan pa kining ipaagi sa proseso una mapagawas ang pondo alang kanila.
Dugang pa sa opisyal nga dugay nang nakahan-ay ang 14th month pay alang sa mga empleyado una pa nila nasayran nga usa ang Misamis Oriental sa mga pinasidunggan sa DILG.
by: Lovelyrose Sambaan
Facebook Comments
