Dead on Arrival sa J.R. Borja City Hospital ang usa ka 15 anyos nga
lalaki, human nalumos sa suba sa Cagayan de Oro kagahapon sa hapon.
Ang biktima, na-ila sa ngalan nga si Jemmy Bargamento, 15 anyos nga
residente sa Zone 1 Bakahan Golden village Villarin street Carmen niing
syudad.
Matud ni Carmen police chief senior Inspector Demver Vergara, nga ang
maong biktma, naligo sa Zone 4 Tambo Carmen, bandang 2:30 pm kagahapon
sa hapon.
Matud ni Vergara nga na-missing ang biktima sa dihang misalom kini
ilawom sa tubig suba.
Matud ni Vergara, nga ang witness sa maong hitabo ang 14 years old nga
kauban sa biktima nga si Joselyn Degadong.
Kini ang rason nga mi-responde ang mga elemento sa Oro Rescue ug ilang
gipangita ang lawas sa 15 anyos nga na-missing.
Bandang 4:30 pm kagahapon, ang lawas sa biktima, nakit-an sa mga rescuer
pina-agi sa tabang sa usa ka Concerned Citizen nga si Carlos Payca.
Matud ni Vergara, nga misangit sa river bed ang lawas sa maong biktima
sa dihang nakit-an kini sa rescue team.
Ang maong biktima gidali sa mga rescuer pagdala sa tambalanan.
Apan Walay suwerte kay DOA ang biktima sa City hospital.
