15- anyos nga solterito, nalumos-patay matapos nga gin-anod sang baha sa suba sa banwa sang Jamindan!

Jamindan, Capiz- Patay ang isa ka menor de edad matapos nga nalumos sa Agloway River sa Barangay Esperanza, Jamindan, Capiz mga alas 12 sang udto.
Ang biktima ang nagapang-edaron sang 15- anyos kag grade- 9 student.
Suno sa imbestigasyon sang Jamindan MPS, nagtabok sa suba ang biktima kaupod ang tatlo ka mga abyan apang bangud sa mabaskog nga ilig sang tubig, gin-anod ang biktima.
Nagdugay pa sang kapin sa duha ka oras ang pagpinangita sa lawas sang biktima antes ini nasapwan.
Gindala sa Mambusao District Hospital ang biktima apang ini ang gindeklarar nga dead-on-arrival.
📷- BFP Jamindan