Patay nang gidala sa Northern Mindanao Medical Center ang 15 anyos nga lalaki human kini maligsan sa 10-wheeler truck sa Gaabucayan Extension, Barangay Lapasan ning dakbayan mga alas dos kapin kon kulang karong hapon.
Matud ni Police Master Sargeant Akmad sa Police Station 3 Agora, ang maong biktima nailang si Bernard Carahasan, taga St. John, Barangay Puntod.
Samtang driver sa maong truck nailang si Alan Glamayo, 29 anyos, taga Wao ug kasamtangang nagpuyo sa Barangay Carmen ning syudad.
Matud pa ni Glamayo nga gikan sila sa Pier sa Barangay Macabalan dayon patubil sa Jetti subay sa Gaabucayan Extension ug wala niini nabantayan ang maong bata ug nakurat nalang kini nga ni untol na ilang ligid sa likod nga bahin ug nakita nalang nga naay batan-on nagbuy-od abay ang maso nga naa sa ilang truck.
Base sa mga nakikita nga nang hijack kining batan-on og posible matud pang nabug-atan kini sa maso rason nga wala naka balanse pag ambak.
Sa pagkakaron gasabot pa ang tag-iya sa truck ug ang pamilya sa batan-on alang sa posibleng tabang nga ihatag ug detinado karon sa mini cell sa Police Station 3 Agora ang maong driver sa truck.
