Mokabat sa 15 ka mga traktora ang gi-turnover ni Department of Agriculture o D-A Secretary Emmanuel Piñol ngadto sa lokal nga kagamhanan sa Marawi City kagahapong adlawa.
Kini alayon sa Farm Mechanization Program nga gipatuman sa gobyerno sa Marawi City isip tabang sa padayong pagbangon sa Marawi human nahitabo ang giyera sa maong syudad.
Matud ni Secretary Piñol nga gawas sa maong maong mga traktora mihatag usab ang gobyerno sa usa ka rice harvester.
Gipasabot sa kalihim nga ubos sa farm mechanization Program ug Special Area for Agricultural Development kon SAAD Program sa D-A Region 10 nga libre ang pagpadaro sa mga yuta sa Marawi City, libre ang operator sa traktora, libre ang fuel, ug libre usab ang mga binhi.
Alayon niini. giaghat usab ni Secretary Piñol ang mga tag-iya sa yuta nga sila gyud mismo ang maningkamot nga mag-atiman sa ilang yuta ug dili ipaagi sa renta sa ubang tawo.
Kini tungod kay sa pag-atiman sa kaugalingong yuta mas matagaan sila og kahigayonan nga mas molambo.
Gawas sa turn-over sa mga proyekto sa agrikultura, gihimo usab sa buntag ang ceremonial plowing ug planting nga gipangunahan mismo ni Secretary Piñol.
Kagahapong adlawa, nahatagan usab og kahigayonan ang mga empleyado sa D-A ug ubang ahensya sa gobyerno nga makabisita sa ground zero sa Marawi City uban ang kapulisan ug kasundalohan sa Camp Ranao.
