15 ka mga pasahero sa Rural Transit Mindanao Incorporated o RTMI bus ang samaran sa nahitabong vehicular accident mga alas 12:30 karong udto sa Tagoloan, Misamis Oriental.
Kini ang gikumpirmar ni PO2 Lowel Miniano, traffic investigator sa Tagoloan Municipal Police Station sa interview sa dxCC-RMN.
Matud ni PO2 Miniano nga ni-overtake ang RTMI bus ug nabangga sa Bongo truck / KIA frontier nga kargado sa kamatis nga maoy hinungdan sa insedente.
Paingon sa Cagayan de Oro City ang RTMI bus samtang paingon sa Gingoog City ang bonggo truck sa dihang nagkabangga sa Tagoloan, Misamis Oriental.
Gipangita usab karon sa kapulisan ang nisibat nga drayber sa RTMI bus nga si Wayne Rebia.
Samtang ang konduktor sa bus nga si Benjie Villarin ang nagbantay usab sa mga gamit sa mga pasahero human gibiyaan sa drayber ang maong bus.
