Patay ang usa ka 16 anyos nga estudyanteng babae human maghikog sa sityo Lumad Barangay Cunya, Sagay Camiguin Province.
Matud ni Police Inspector Hadji Isah- ang Hepe sa Sagay Camiguin Municipal Police Station, naila ang biktima nga si Mailene Estrada, residente sa maong dapit ug estudyante sa Eulalio Uayan Pabillore National High School.
Sa inisyal nga imbestigasyon sa kapolisan, naghikog ang biktima pinaagi sa paggamit sa lampin nga gihikot sa poste sa ilang panimalay.
Nahitabo ang insidente alas dos sa hapon niadtong miaging adlaw, samtang ang biktima ang nagbantay sa iyang mga igsoon.
Nasayran nga gidali pa sa pagdala sa amahan nga si Ruel Dacul Uayan, 40 anyos ang iyang anak sa hospital, apan gideklara na kini nga dead on arrival sa doctor.
