160 ka bag-o nga kaso sang covid-19 nagdugang sa Western Visayas kahapon, 63 taga Bacolod kag 15 taga Negros Occidental

6

Nadugangan sang 160 ang kaso sang COVID-19 sa Western Visayas kahapon Biyernes. Bangud sini nagsaka na sa 14,352 ang kabug-usan nga kaso sang COVID-19 sa rehiyon 6.

Base sa COVID-19 case bulletin 203 nga ginpaguwa sang DOH-6, may pinakamadamo nga bag-o nga kaso ang nalista sa syudad sang Bacolod nga may 63, ginasundan sang syudad sang Iloilo nga may 58, probinsya sang Iloilo nga may 22, probinsya sang Negros Occidental may 15 kag probinsya sang Aklan nga may 2 ka kaso.

Nag-ayo naman sa balatian ang dugang nga 146 ka pasyente kabangdanan naglab-ot naman sa 10,964 ang mga nakarecover.

Nagapabilin naman sa 347 ang mga napatay sa nasambit nga balatian sa rehiyon 6 matapos wala sang nalista nga pasyente nga ginbawian sang kabuhi.

Sa karon yara na lamang sa 3,041 ang aktibo nga kaso sang COVID-19 sa Western Visayas.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments