7 anyos nga bata nga babayi gin aligar ginhimuslan kag ginpatay sa Barangay Estefania syudad sang Bacolod

10

Isa na naman ka bata nga babayi ang nasapwan nga patay kag ginapatihan nga ginhimuslan pa sa Purok Arao, Brgy. Estefania, Bacolod City, pasado las 11 sini gid lamang nga aga, Oktubre 16.

Ang biktima isa ka bata nga babayi naga edad sang 7 ka tuig samtang ang suspek naman ang ginkilala nga si Dexter Villa Juan, 24 anyos ang edad, lunsay pumuluyo sang amo nga lugar.

Suno kay Roleen Chavez, tiyo sang biktima nga abyan kag kilala gid sang ila pamilya ang suspek kon diin kaupod niya ini nga naga-obra bilang tapasero sa kampo kag sa iya pagkabalo, ini ang naga-gamit sang illegal nga druga.

Pahayag ni Roleen nga kahapon, birthday sang iya bata gani may gamay sila nga handa sa ila balay kag nagkadto man didto ang pamilya sang biktima kag ang suspek kon diin nag-inom ini kag nahubog.

Siling ni Roleen nga nag-una pauli ang biktima kag didto ini posible nga ginsundan sang suspek kag ginhimo ang krimen.

Naghambal ang tiyo nga pasado las 7 kagab-I, October 15 natukiban gid lamang sang amay sang biktima nga nadula na ang iya bata matapos nga iya nakita nga 8 na lang sa 9 niya ka mga kabataan ang ara sa ila balay gani gilayon nila nga ginpangita ang biktima.

Dugang pa ni Roleen nga nag-ako ang suspek nga ginlampusan niya sang bato sa ulo sang duha ka beses ang biktima kag gindala sa isa ka lugar kag didto nga ginhimuslan.




Sa karon yara na sa kustodiya sang Police Station 4 ang suspek matapos nga ini siya ang gindakup sini man mismo nga adlaw.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments