Misurender na ang subject person sa pagdunggab sa usa ka 15 anyos nga estudyante sa PN ROA National High School.
Matud sa subject person nga igo lamang siyang mibalos sa biktima tungod kay gibirahan niini ang iyang manghud.
Dugang pa niini nga gikulata og ayo sa biktima ang iyang manghud ug siya mismo ang nakakita sa pagkulata niini.
Gakasuya matud pa ang biktima sa manghud sa subject person, tungod sa linakwan niini.
Dugang pa sa maong subject person, nga dili siya gadala og kutsilyo kung mosulod sa tunghaan ug first time matud pa niya ang pagdala kagahapong adlawa.
Giangkon niining nakasulod siya sa tunghaan dala ang kutsilyo kay ang nagbantay sa gate niadtong higayona mga boyscout.
Gipahayag usab sa maong 17 anyos nga misurender siya sa pulis tungod sa hangyo sa iyang mga ginikanan.
