BACOLOD CITY – Ginpaidalum sa medical examination ang isa ka 21-anyos nga dalaga matapos iya gin-alegar nga ini siya ang ginlugos sang isa ka menor de edad pasado las 10 sang gab-i, Oktubre 5, sa Prk. Sampaguita, Brgy. Singcang Airport diri sa ciudad sang Bacolod.
Suno sa pagpanuaron sang biktima nga ini siya ang ginhagad sang iya mga kaabyanan kagab-i nga maglagaw-lagaw apang sa pag-abot sa isa ka pika pika ini siya ang ginpalapitan sang suspek nga ginkilala gid lamang kay Alias Jun-jun, 17 anyos ang edad kag gintayaan sang armas.
Bangud sa kakulba, wala nakapalagyo pa ang biktima gani ini ang na-molestiyahan gid sang suspek.
Gindala sa ospital ang biktima matapos nga ini ang nag-bleeding, samtang ang suspek naman ang gilayon nga nadakpan kag yara karon sa paghinakup sang Social Development Center.
Sa pihak nga bahin, ginpahayag sang iloy sang biktima nga indi “layaw” ang iya bata kag sa balay lang ini pirme nagatiner agud magbulig sa trabaho sa sulod balay.
KON IKAW PAHAMBALON? ANG PAGKA MENOR DE EDAD BALA SANG LALAKI, BALASIHAN UKON INDI PARA SABTON NIYA ANG REKLAMO NGA PAGPANGLUGOS SA 21 ANYOS NGA DALAGITA?
