General Santos City—luwas na sa kuyaw nga kahimtang ang 17 ka mga biktima sa food poisoning human mikaon ug gituohang pan-os nga pancit sa libing sa ilang kabanay sa may Zone 6, Centro, Barangay Fatima, Gensan, niadtong Sabado.
Base sa Report sa Gensan City Health Office buntag ayha sa lubong giluto ang pancit alang sa pamahaw sa mga makilubong. Tungod wala mahurot, giinit sa pamilya ang pancit dayon gisud-an sa panihapon.
Human sa pila ka oras nakasinati nag panakit sa tyan , pagsuka-suka ug kalipong ang mga nasangpit nga biktima.
Gilayon silang nangayog tabang sa mga opisyal sa barangay dayon gipangdala sa ospital ang mha nasangpit. Hinuon luwas na ang mga nahisgutan samtang uban kanila ang nakagawas na sa ospital human nalapatan ug tambal.
Sa karon ginasuta na sa mga eksperto ang sample sa pancit nga niluto sa pamilya aron masayran kung ang pancit ba gyud ang hinungdan sa pagkahilo sa 17 ka biktima.
