KABANKALAN CITY – Patay naman ang 18 anyos nakilala kay ‘Kenken’ matapos ini ang naghikog las 6:15 sang gab-i sang Abril 16.
Natabo ang insedente sa Sitio Casipsipan, Barangay Binicuil.
Nagparecord sa Kabankalan PNP ang stepfather sini nga Jose, las 3:30 na sang hapon, Abril 19.
Sa pahayag sang stepfather, mga las 7 sang gab-i sang nag-abot sya halin sa pagmaneho traysikol, nabatian nya nga nagahilibion ang iya nga live-in partner nga ginkilala kay Gelia kag ginahakos sini ang iya bata nga naghikog.
Nakita niya ang isa ka kalat nahigot sa ila kahoy nga balayan nga amu ang gingamit sang bata.
Ginhingagaw pa nila ini nga dal-on sa Gumensindo Hospital tubtob nga gindeklara ini nga DOA.
Gin-advisan sila sang doktor nga indi na magreport sa PNP bangod ang kaso suicide.
Apang para maparecord lang, nagreport naman ang stepfather tatlo ka adlaw ang makalipas sang ang bangkay ang ara na sa ila balay.
