Batan, Aklan — Uwa eon it kabuhi nga naga bitay tag makit-an ko andang kaeapit baeay ro sangka 18-anyos nga binatilyo matapos nga mag bigti kahapon sa Sitio Maeobong, Brgy. Lalab, Batan, Aklan.
Sa pakikipag-angot it RMN DYKR Kalibo kay SPO1 Gelbert Batiles it Batan MPS ag imbestigador sa nasambit nga kaso nga nakabaton sanda it tawag nga may una ngani nga nagkomitar it suicide sa lugar ag anda man gin respondihan.
Sa andang pag imbestiga, ro biktima nakilaea kay Ronel Acuesta y Loveras, Grade 11 student it Altavas National High School.
Nasayuran nga unang nakita it andang kaeapit ro biktima nga nagabitay sa sueod it andang baeay gamit ro nylon cord nga ginhigot man sa beam it andang baeay.
Nakit-an sa lugar ro sangka suicide note nga nagapahayag nga ro dahilan ko anang pagpakamatay hay bangud sa problema sa pamilya, pero uwa pa dikara nagatapos ro imbestigasyon it Batan MPS bangud nga iga kumpara pa raya sa mga ibang hand written ko biktima para masayuran kon ana gid man.
Dugang pa gid ni Batiles nga bago pa man natabo rong insidente hay nagtext pa raya sa anang mama nga iya sa Kalibo sa oras ngato nga nagapahayag nga imaw ra hay magapakamatay.
Naga isaeanhon ro biktima sa andang baeay tag matabo rong insidente.
Raya rong pang-ap-at nga kaso it suicide nga natabo sa banwa it Batan makaron nga dag-on.
