Nakalista naman sang 184 ka bag-o nga kaso sang COVID-19 ang DOH-6 sa Western Visayas subong nga adlaw sang Biyernes.
Base sa COVID-19 case bulletin 189 nga ginpaguwa sang DOH-6, sa mga bag-o nga kaso nalista sa syudad sang Iloilo ang 87, syudad sang Bacolod may 42, probinsya sang Iloilo may 28, probinsya sang Capiz may 17 kag probinsya sang Negros Occidental may 8 ka kaso.
Sa karon nagsaka na sa 11,990 ang kabug-usan nga kaso sang COVID-19 sa rehiyon kon sa diin 4,164 diri ang active cases.
Nag-ayo naman sa balatian ang dugang nga 111 ka pasyente kabangdanan naglab-ot naman sa 7,566 ang mga naka recover.
Nagsaka naman sa 260 ang mga napatay matapos nadugangan sang 10 ka pasyente ang ginbawian sang kabuhi bangud sa balatian.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
