Nakit-ang nagkulob patay ang usa ka 19 anyos nga lalaki, sa Zone 5, Mambatangan Upper Puerto ning syudad kagahapong adlawa.
Biktima naila nga si Joram Narido, taga Suntingon Sambag, Barangay Bugo ning syudad.
Nakit-an ang biktima nga nagkulob, gibinaklid ang kamot og gihiktan gamit ang tie wire, ug gihikot ang tiil.
Nasayran nga nakit-an ug na report sa kapolisan ang kamatayon sa biktima alas sais sa buntag kagahapong adlawa, kinsa padayon karong giimbestigahan sa Puerto Police Station.
Samtang 15 ka samad dinunggaban sa lawas ang naangkon sa biktima.
Kini basi sa imbestigasyon sa Scene of the Crime Operation kon SOCO .
Matud sa SOCO nga naangkon sa biktima ang pito ka samad sa dughan, tulo sa liog ug lima sa likod nga agi sa icepick.
By: Kasamang Mishelle Enloran
